Bu gün Misli Premyer Liqasında 16-cı tura start verilib.

Kulek.az xəbər verir ki, günün ilk matçında “Səbail” öz meydanında “Araz-Naxçıvan”ı sınağa çəkib. Görüş Naxçıvan təmsilçisinin 2:0 hesablı qələbəsi ilə bitib.  

Ardınca turun mərkəzi oyununda “Sabah” “Qarabağ”la üz-üzə gəlib. Matç 1:1 hesablı heç-heçə ilə başa çatıb.  

Beləliklə, Ağdam klubu turnir cədvəlində 38 xalla 2-ci yerdə qərarlaşıb. “Sabah” isə 23 xalla beşinci pillədədir. Liderlik 39 xalı olan "Araz-Naxçıvan"dadır.  

Qeyd edək ki, "Qarabağ"ın ehtiyatda "Şamaxı"ya qarşı bir oyunu qalıb. 

Misli Premyer Liqası

16-cı tur

7 dekabr (şənbə)

18:00. “Sabah” - “Qarabağ” - 1:1

Qol: Neqoş Kupusoviç, 49 (1:0), Nəriman Axundzadə, 68, (1:1)
Hakimlər: Elçin Məsiyev, Elşad Abdullayev, Pərvin Talıbov, Əkbər Əhmədov
VAR: Əliyar Ağayev 
AVAR: Zeynal Zeynalov
“Bank Respublika Arena”

15:00. “Səbail” - “Araz-Naxçıvan” - 0:2 

Qollar: Ramon Maçado, 45+3-pen. (0:1), Bernardo Dias, 56 (0:2)
Hakimlər: Rəşad Əhmədov, Rahil Ramazanov, Müslüm Əliyev, Elvin Bayramov
VAR: Rəvan Həmzəzadə
AVAR: İnqilab Məmmədov
“ASCO Arena”

8 dekabr (bazar)

16:00. “Kəpəz” – “Zirə”
Hakimlər: Tural Qurbanov, Zöhrab Abbasov, Teymur Teymurov, Əli Əliyev
VAR: Rəşad Əhmədov
AVAR: Eyyub İbrahimov
Tovuz şəhər stadionu

18:00. “Sumqayıt” –“Neftçi”
Hakimlər: Fərid Hacıyev, Rəhman İmami, Kamran Bayramov, Cavid Cəlilov
VAR: İnqilab Məmmədov
AVAR: Namiq Hüseynov

Mehdi Hüseynzadə adına Sumqayıt şəhər stadionu

9 dekabr (bazar ertəsi)

19:00. “Turan Tovuz”– “Şamaxı”
Hakimlər: Kamal Umudlu, Vüsal Məmmədov,  Asiman Əzizli, Rauf Allahverdiyev
VAR: Nicat İsmayıllı
AVAR: Şirmamed Mamedov

Tovuz şəhər stadionu

Bombardirlər:

Felipe Santos ("Araz-Naxçıvan") - 8 qol
Coy Lens Mikels ("Sabah") - 7 qol
Davit Volkov ("Zirə") - 7 qol