Bu gün "Qarabağ" Avropa Liqasının Liqa mərhələsində 6-cı tur oyununa çıxacaq. Bu, sözügedən yarışda 2024-cü ilin son oyunu olacaq.
Kulek.az xəbər verir ki, Ağdam təmsilçisi səfərdə İsveç "Elfsborq"u ilə qarşılaşacaq. "Boras Arena"da keçiriləcək görüş Bakı vaxtı ilə saat 00:00-da başlayacaq. Oyunu Portuqaliyadan olan hakimlər idarə edəcək.
"Qarabağ" və "Elfsborq" tarixlərində ilk dəfə üz-üzə gələcəklər. Qurban Qurbanovun komandası üçün Oskar Hilyemarkın kollektivini məğlub etmək pley-off şansını qorumaq baxımından olduqca vacibdir.
Hazırda turnir cədvəlində "Elfsborq" 4 xalla 28-ci, "Qarabağ" isə 3 xalla 32-cidir.
Avropa Liqası, Liqa mərhələsi, 6-cı tur
00:00. "Elfsborq" (İsveç) - "Qarabağ" (Azərbaycan)
Hakimlər: Antoniu Nobre, Pedro Ribeyru, Nelson Pereyra, Bruno Miqel Karmo Vyeyra
"Boras Arena"
