Bu gün Misli Premyer Liqasında 3-cü turdan təxirə salınmış “Şamaxı” - “Qarabağ” oyunu keçirilib.
Kulek.az xəbər verir ki, Şamaxı şəhər stadionunda təşkil olunan görüşdə qonaqlar son dəqiqə qolu ilə 1:0 hesablı qələbə qazanıb.
"Qarabağ" bu qələbə ilə ən yaxın izləyicisi "Araz Naxçıvan"la aralarındakı xal fərqini 5-ə qaldırıb. Bununla da komanda 2024-cü ilin son turunda onların öz arasında keçirəcəyi matçın nəticəsindən asılı olmayaraq, qış çempionluğunu təmin edib.
Bu komandalar arasında 11-ci turun oyununda Ağdam təmsilçisi 3:0 hesabı ilə qalib gəlib.
19 dekabr (cümə axşamı)
14:00. “Şamaxı” – “Qarabağ” - 0:1
Qol: Musa Qurbanlı, 90+4
Hakimlər: Rəşad Əhmədov, Vüsal Məmmədov, Teymur Teymurov, Rauf Allahverdiyev
VAR: İnqilab Məmmədov
AVAR: Namiq Hüseynov
Şamaxı şəhər stadionu
